X

Festas e ferias

Ver Concello


Naufragio de Laxe 2018

Naufragio de Laxe 2018

O Naufraxio é unha homenaxe que as xentes do mar de Laxe lle fan á Virxe do Carme, patroa dos mariñeiros, pola súa protección e axuda durante todo o ano. A celebración realízase anualmente dende que foi instaurada no ano 1962 por Avelino Lema Santos, mariñeiro de Laxe supervivente a tres naufraxios. Acompáñanos cada 17 de Agosto para celebrar unha festa única!

"Camariñas, o mar todo" feira raíña do mes de agosto na Costa da Morte

"Camariñas, o mar todo" feira raíña do mes de agosto na Costa da Morte

Do 17 ao 19 de agosto en Camariñas poderemos gozar do turismo, pesca, gastronomía, cultura, etnografía, música, artesanía... na Feira Mariñeira «Camariñas, o mar todo», que ademais estrea imaxe e trae novidades. Foi presentada onte polo alcalde, Manuel Valeriano Alonso, e polas edilas María José Gerpe e Sandra Insua. A proposta, á que o Concello quixo darlle un impulso, aspira a ser un referente para toda Galicia.«Camariñas, o mar todo» nace a partir de «Expo Ría». Quérese multiplicar o seu alcance, implicando a todos os veciños e dando vida pois a un certame «poliédrico» que incluirá todos os aspectos que rodean o mar, fonte de vida neste municipio que é corazón da Costa da Morte. Ao amparo desta Feira, por exemplo, o Concello fará entrega dos premios Mar de Camariñas, para persoas e institucións con traxectorias acreditadas neste ámbito. Serán tres xornadas de múltiple actividade: degustacións, exposición e venda de artesanía, música en directo, danza, talleres para nenos, charlas de divulgación etnográfica, rutas mariñeiras...

Semana Santa Fisterra

Semana Santa Fisterra

A Semana Santa da vila de Finisterre, declarada como de Interese Turístico Nacional, consta de 5 días de representacións cos seus diferentes actos representativos, litúrxicos e procesionais, nos que o pobo se volva asumindo cada un o seu posto e o seu papel para dar vida á Paixón, Morte e Resurrección de Cristo.

Mostra do Encaixe

Mostra do Encaixe

Desde 1981, cada Semana Santa e presidida por "A súa Maxestade a Raíña Doa Sofía", celébrase "A Mostra do Encaixe de Camariñas", certame comercial e cultural de ámbito internacional, declarado de Interese Turístico de Galicia.

Festa do percebe en Corme

Festa do percebe en Corme

Desde 1992, celébrase esta festa-exaltación do famoso percebe do Roncudo. Durante un día, o pobo de Corme é tomado por xentes de todos os lugares en busca dese prezado manxar. A data da festa do percebe está moi pensada polos organizadores, xa que pensando en como estará a lúa por esas datas, sábese que as mareas dos tres días anteriores serán moi baixas, e por tanto haberá máis percebe ao alcance dos intrépidos e intrépidas percebeiras na temible e fermosa pedra do Roncudo (onde din que está o mellor percebe do mundo). Máis de 1000 quilos de percebes serán degustados da forma máis saborosa que se coñece, que non é outra que acompañados dun bo viño e un bo prato de cachelos (patacas cocidas coa súa pel).

Romería Nosa Señora da Barca

Romería Nosa Señora da Barca

A romaría de Nosa Señora dá Barca, en Muxía, é unha das máis importantes e de maior tradición de Galicia. A Santa non protexe contra ningún mal en concreto, senón que debe a súa popularidade a que concede todo aquel favor que lle sexa solicitado con fe. Este ano, as festas terán lugar do 8 ao 11 de Setembro. Festa declarada de Interese Turístico Nacional.

Festa da Carballeira 2017

Festa da Carballeira 2017

Desde sempre Galicia foi un pobo de romarías, de festexos cheos de relixiosidade popular; pero, na medida en que a relixión perde protagonismo, moitas das celebracións modifícanse, outras se perden, e noutros casos aparecen outras formas civís de liturxias:En Zas, no último domingo de Agosto celébrase a Festa do Santísimo Sacramento, desde tempos inmemoriais.

Ver Concello


Asalto ao Castelo

Asalto ao Castelo

06/09/2017

O Asalto naceu, hai xa 22 anos como un acto de rebeldía espontáneo por parte dun grupo de rapaz@s de AXVALSO, molestos polo trato que recibiran "dos que poden". De maneira pacífica e alegre improvisaron unha noite de protestas diante do Castelo.Orgullosos do seu defensa -e ataque- foron máis aló e institucionalizaron o acto. Nace o Asalto por aquelas datas o "Asalto". A falta de respaldo por parte "dos que pensan por e para todos" lle dou aínda máis sentido aos inicios da festa: supoñía unha reivindicación irmandiña e local ante o emblema do municipio, as torres de Martelo.Co paso dos anos, o Asalto logra o seu asentamento, pero o tempo mina as enerxías das persoas que se moven nestes labores. As xeracións esgotan e tenden a man a outras mans solidarias e amigas que son conscientes do valor da festa e das xentes que a imaxinaron e trouxérona ata o presente continúa desde o 2010 a traballar no Asalto. Respectando o espírito orixinal e cun municipio xa rendido aos encantos e sentido da festa, preténdeselle dar ánimo a novas manifestacións artísticas que se somen ao repertorio clásico composto por teatro, música e gastronomía. Certo é tamén que edición a edición téntanse corrixir todos os problemas motivados pola maior afluencia de xente. En todo caso, é loita constante para tentar levar o Asalto nas mellores condicións ao futuro e atopar alí outras mans solidarias e amigas. En resumo, co Asalto asistimos a unha mirada no tempo: entre a historia irmandiña e nós, entre as pedras monumentais e nós, entre nós e o futuro.