O Concello de Carnota programa tres "Andainas Saludables" para os meses de decembro e xaneiro.
O Concello de Carnota organiza as seguintes andainas saudables por algúns dos lugares máis emblemáticos do municipio:
- 03/12/2017 Ruta 1: Casetas mariñeiras Camiño dos Costados
- 17/12/2017 Ruta 2: Museo Arqueolóxico Aberto
- 14/01/2018 Ruta 3: Subida ao Monte Pindo
Ruta 1: Casetas mariñeiras-Camiño dos Costados. Ruta circular con inicio e fin nas escolas de Caldebarcos. O percorrido transcorre nun principio pola beira do mar, observando as casetas de mariñeiros e as antigas fábricas de salgadura, para logo atravesar a costa ata a praia da Insuela. Deseguido internarémonos en Panchés e ascenderemos ata Chan de Lamas, onde podemos ver e tocar o Monte Pindo. Está prevista unha pequena parada Onde se Adora para repoñer forzas e desfrutar das vistas. O retorno farase polo Camiño dos Costados ata chegar ao punto de partida.A organización pon a disposición das persoas participantes as duchas da escola de Caldebarcos. O prazo de inscrición está aberto ata o mércores antes de cada andaina. As persoas inscritas recibirán un correo de confirmación.
