A praia de Carnota é un dos mellores exemplos de conservación do medio. Imaxe disto é a gran riqueza ambiental, biolóxica e paisaxística que podes apreciar neste lugar. Nos seus 7km de lonxitude alberga un espectacular conxunto de dunas que rodean a marisma e na que se poden diferenciar moitas aves (especialmente nos períodos migratorios) e flora endémica. Esta é a praia máis grande de toda Galicia onde hai espazo para relaxarse, camiñar, explorar ou practicar algún deporte.