Asociación de Turismo da Costa da Morte

Do 30 de maio ao 29 de xuño de 2024, na Sala de Exposicións da Casa da Cultura de Cee, "Castelao Grafista", unha exposición dedicada a Alfonso Daniel Rodríguez Castelao.

Caricaturista, debuxante, ilustrador, columnista, escritor, pintor, escenógrafo, historiador, etnógrafo, teórico, político. Castelao constitúe o foco desta mostra que inclúe unha ampla selección das múltiples facetas desenvolvidas por el. A intención deste proxecto é divulgativa, mostrando a obra e o pensamento dun dos creadores galegos máis singulares en países dos cinco continentes.

Esta exposición, producida en colaboración coa Fundación Gonzalo Torrente Ballester, a Real Academia Galega de Belas Artes e Turismo de Galicia, sae á luz no marco das celebracións do Centenario da Xeración Nós (1920).

Volver atrás