Lúa chea (Superlúa) e eclipse parcial de lúa
Esta Lúa Chea ten lugar moi preto dun deses momentos do ano cando está máis próxima á Terra: o perixeo. Por isto parece un pouco máis grande que noutras ocasións. Un momento ideal para ver a superlúá desde lugares como as praias e miradoiros de Costa da Morte.
Observación astronómica: Sol, lúa e estrellas
Observación astronómica da man dos monitores starlight Antón Pazos e Begoña Brao, organizada polo establecemento O Xastre de Anos o venres 20 de setembro ás 20 horas.
Experiencia rural gratuíta con aforo limitado. Máis información e reservas no whatsapp 611429418.
Equinoccio de outono
O equinoccio de outono producirase o 22 de setembro ás 12:45 UTC. Será o primeiro día de outono no hemisferio norte. Nese instante, o Sol "cruza" o ecuador da Terra.
Superlúa de outubro
É a última superlúa do ano, coa lúa chea ás 11:28 UTC. Ten lugar durante un momento no que a lúa está moi próxima á terra (o perixeo).
Chuvia de Estrelas Oriónidas
A chuvia de meteoros ten lugar do 2 de outubro ao 7 de novembro, pero a mellor noite para fotografala é entre o 21 e o 22 de outubro. O pico é o 22 de outubro ás 05:45 UTC con 20 meteoros por hora.
Chuvia de Estrelas Leónidas
A chuvia de meteoros ten lugar do 6 ao 30 de novembro, pero a mellor noite para fotografala é entre o 16 e o 17 de novembro.
O pico é o 17 de novembro ás 07:26 UTC con 15 meteoros por hora. Neste momento a fase luar é do 71,4%, polo que as condicións para gozala non son moi boas (hai lúa). Esta choiva de estrelas é visible desde ambos os hemisferios.
Chuvia de Estrelas Xemínidas
A choiva de meteoros ten lugar do 4 ao 17 de decembro, pero a mellor noite para fotografala é entre o 13 e o 14 de decembro. O pico é o 14 de decembro ás 02:32 UTC con 120 meteoros por hora.
Neste momento a fase lunar é case de lúa chea, polo que as condicións non son moi boas. Aínda que sempre é unha boa escusa para gozar do ceo nocturno nos mellores puntos starlight de Costa da Morte.
Solsticio de inverno
O solstico de decembro prodúcese o día 21 de decembro ás 9:22 UTC. É o primeiro día de inverno no hemisferio norte.
