Turismo de Estrelas

Ven a ver as estrelas ao cabo do mundo

Costa da Morte é un xeodestino de carácter aguerrido, onde podemos atopar praias salvaxes e belos cantís que se descobren entre faro e faro. Os espectaculares ceos estrelados e os atardeceres sobre o océano Atlántico non teñen comparación, de feito, en Costa da Morte pódese vivir o último “solpor” da Europa Continental.

Costa da Morte é agora recoñecido como Destino Turístico Starlight e conta co selo da Fundación Starlight como un dos lugares onde gozar do ceo nocturno en Galicia.

Descobre os 10 mellores puntos de observación do ceo nocturno, situados en lugares de especial beleza e de gran valor natural e cultural: o Dolmen Arca da Piosa, a Praia de O Rostro, Cabo Touriñán, Cemiterio dos Ingleses, Castro de Borneiro, Punta Nariga, Espazo Natural de Razo-Baldaio, Encoro da Fervenza, Praia de Soesto e o Monte Pindo.

Chuvia de meteoros Delta Acuáridas

30/07/2024 - 31/07/2024

A noite do 30 ao 31 de xullo prodúcese o pico da chuvia de estrelas das Delta Acuáridas. O pico é o 30 de xullo ás 02:15 UTC con 25 meteoros por hora. Neste momento a fase lunar é do 19,6%, polo que as condicións para gozala son moi boas.

Rutas Starlight en Laxe

31/07/2024 - 02/09/2024

O mércores 31 de xullo, 7 de agosto e 2 de setembro, Introdución á astrofotografía: "Segredos do Mar de Ardora". No faro de Laxe, Santa Rosa e Soesto a partir das 22 horas.

Observación astronómica en Baldaio

31/07/2024 - 31/07/2024

Esta será unha das novidades de este ano, as persoas participantes poderán achegarse á ponte grande de Baldaio e desde alí poder recibir as nocións básicas para poder desfrutar de observación das estrelas. Se queres aprender a ler o ceo esta é unha boa oportunidade.

Ruta nocturna ata o Monte Neme e astronomía con Jorge Mira

03/08/2024 - 03/08/2024

Este ano sumamos unha nova experiencia á ruta nocturna, que é que cando cheguemos ao Monte Neme contaremos cunha clase maxistral do profesor Jorge Mira. http://carballo.gal/axenda.php?id=2155&idioma=gl&sec=31