Con motivo do Día Mundial do Turismo que se celebrou o pasado venres 27, a delegación da Cadena Ser na Costa da Morte quixo dedicarlle uns minutos da súa programación á actividade turística no noso xeodestino, máis concretamente a nosa asociación e a súa labor. A continuación reproducimos a entrevista a Pablo Canosa a través da que se articulou a peza e algúns titulares desta reportaxe de Antón Lestón en Vivindo a Costa da Morte.
O pasado 1 de Setembro iniciouse o “I Campamento de Vela” denominado “I Convivencia náutica Costa da Morte” e promovido por Loreto Núñez Varela e Gabriel González.
Este proxecto celebrado do 1 ao 8 de setembro nace como iniciativa conxunta de varias entidades como Club Náutico de Camariñas o Concello de Camariñas e a empresa UBUNTU para o fomento dos deportes náuticos en Costa da Morte.
Dentro do marco das axudas da Deputación da Coruña 2019 estanse a organizar diferentes proxectos e actividades que buscan acadar unha maior competitividade do sector turístico na zona. Un ano máis, na Costa da Morte contémplase o desenvolvemento dun Programa Formativo gratuíto para profesionais, de cara á especialización do destino en tres piares fundamentais do turismo: inglés, marketing e gastronomía.
Neste último fin de semana do mes, a Costa da Morte converterase no epicentro das actividades deportivas na zona. Corredores, nadadores, surfistas e socorristas daranse cita en probas de referencia das súas respectivas disciplinas. Estarán arroupados por miles de afeccionados que chegan ao territorio para animar e acompañar aos e as participantes, ao tempo que coñecen o destino e desfrutan das actividades complementarias que acompañan estes eventos.
Despois dun traballo nos últimos meses que comprendeu o estudo das necesidades da marca turística e o seu posterior deseño, no que estiveron involucrados tódolos axentes que conforman a CMAT, xa podemos facer pública a nosa nova imaxe corporativa.
A Praia de Razo foi o escenario escollido o pasado venres 12 de xullo para comunicar que a proposta presentada a “Save the Waves Coallition” superou a primeira fase do proceso selectivo. De prosperar, convertería a este territorio na primeira Reserva Mundial de Surf declarada no Estado, a segunda en Europa; trala portuguesa Ericeira, e na doceava a nivel mundial. A CMAT, como ente xestor do xeodestino Costa da Morte, estivo presente na convocatoria do Grupo Promotor da candidatura como Reserva Mundial de Surf.
