Pequena ruta litoral que parte do centro de Caión na praza de Eduardo Vila Fano bordeando a praia ata o regato de Figueirido para adentrarse en territorio do concello de Carballo.
Apenas dous kilómetros onde podemos divisar ao lonxe a vila de Málpica e observar as manobras de numerosos surfeiros que cada día están buscando as ondas en Salseiras.
Un trazado que foi distinguido como "Sendeiro Azul" e que, si continuamos camiñando, prolóngase polo oeste ata as inmediacións da praia e lagoa de Baldaio.
Unha vez en Caión debemos saber que é a única saída ao mar do municipio de A Laracha.
A orixe deste núcleo costeiro data da Idade Media, con asentamentos de persoas dedicadas á pesca. A mediados do século XVI chegaron a este enclave mariñeiros vascos para a caza da balea.
Ata principios do século XVIII, baleeiros vascos e caioneses cazaban baleas vascas (Eubalaena glacialis) nesta costa. Na actualidade, a única referencia que se conserva a este pasado atópase no escudo do concello.
Antes ou despois do paseo podemos visitar o porto, a lonxa, o pazo dos condes de Graxal, a igrexa parroquial de Santa María do Socorro, o santuario dos Milagres e o Arquivo da Pesca.
Despois da visita a Caión podemos adentrarnos ao interior do concello da Laracha ou continuar bordeando a costa en dirección oeste para adentrarnos de cheo na Costa da Morte.
