Ruta que remonta o río Anllóns, de apenas un quilómetro, entre a ponte e área recreativa de Garda ata o muíño de Saímia.
Un agradable paseo entre vexetación de ribeira onde atopamos varias construcións vinculadas á auga como presas, canles e muiños. Sabremos que a ruta rematou cando atopemos un salto de auga á altura de Saímia onde está ubicado un panel interpretativo con información do lugar.
A área recreativa está ben equipada con bancos, mesas e parrillas e durante o percorrido podemos observar varios elementos de "land art" que dotan de colorido ao paseo.
