Seguindo o curso do Rego dos Muiños, e a senda que discorre ata a súa desembocadura en forma de pequena fervenza, atopámonos con un conxunto de 5 muíños rehabilitados. Na súa contorna, poderemos apreciar varios afloramentos de ecloxitas, rocha metamórfica clave para o estudo do interior do noso planeta. Se continuamos a liña costeira ata a praia de San Miro, destaca a espectacular furna de Pedra Furada ou Furna das Grallas, cos seus case 25 metros de altura, escavada fai máis de 100.000 anos pola erosión do mar.
