Letras e Música tradicional con Ismael Ramos
04/05/2024 - 04/05/2024
Fervenza do Ézaro
4 de maio, ás 19 horas, o poeta Ismael Ramos, Premio Nacional de Poesía Xoven Miguel Hernández, outorgado polo Ministerio de Cultura e Deportes, entre outros moitos recoñecementos, visita a Fervenza do Ézaro.
Da súa man, farase un percorrido por parte da súa obra e tamén pola tradición oral e escrita galega. Todo iso acompañado dunha actuación con música tradicional e nunha paraxe máxica como é a desembocadura do río Xallas, ao pé da súa senlleira fervenza.