Ducias de concursantes demostran as súas habilidades como fotógrafos para conseguir o premio de #MuraisLarCMAT: coñecer a Costa da Morte
17/12/2019
Onte, 16 de decembro, entregouse o último dos premios #MuraisLarCMAT, o noso concurso fotográfico en Instagram que busca dar a coñecer a Costa da Morte a través dos murais de baldosas do proxecto "Lar na escola". As oito esculturas, todas con temática relacionada cos deportes acuáticos, están expostas no paseo marítimo de Sanxenxo (Pontevedra) dende principios do verán. Grazas á popularidade desta zona, especialmente durante os meses de verán, a exposición converteuse nun dos principais atractivos da zona central do concello turístico.
A CMAT, en colaboración con Suministros Lar e coa asociación empresarial APTCM da Costa da Morte, realizou un concurso de redes sociais que se estendeu ao longo do tempo durante cinco meses; obtendo excelentes resultados de participación e difusión. O premio pagaba a pena para desatar a vena máis artística dos concursantes: unha estancia en Costa da Morte para dous con almorzo nun dos mellores aloxamentos da rexión.
Efectivamente, os resultados da participación no concurso non defraudaron. Usuarios de toda a xeografía española e algúns visitantes internacionais subiron a súa fotografía ao seu perfil de Instagram acompañándoa co hashtag #MuraisLarCMAT. Este foi un dos requisitos para participar, ademais de converterse en seguidor dos perfís de Costa da Morte e Suministros Lar. En total, repartíronse catorce estancias en hoteis como Bela Fisterra ou Playa de Laxe e casas rurais como Casa de Verdes ou Casa da Canle, das que os gañadores poderán dar boa conta ata xuño do próximo 2020.
Unha vez pechada a acción, o obxectivo co que naceu pode considerarse como de sobras cumprido: dar a coñecer a Costa da Morte entre un novo público a través do atractivo proxecto levado a cabo por Suministros Lare n centros educativos e asociacións sen ánimo de lucro.
