O Concello de Vimianzo presentou as súas actividades turísticas para este verán.
Destaca a aposta polo patrimonio e a arqueoloxía aínda que o gran protagonista seguirá a ser o Castelo, que intentará sorprender con novas propostas destinadas ao público familiar e infantil. Coma os anos anteriores haberá visitas guiadas ao Castelo e aos Batáns do Mosquetín. Como novidade este ano inclúense as visitas guiadas ao Castro das Barreiras (os sábados cada 15 días). As visitas guiadas a distintos elementos do patrimonio das parroquias, que en anos anteriores tiveron unha grande acollida, arrincan o luns 9 de xullo coa vista á Faguía de Carnés.
